Сұмдықтың басы Тарқан

25-09-2019, 22:47


         Мөңке деген бай кісі жолаушылап Кіші жүзге барып, сол сапардан қайтып келе жатқанында алдынан Өтеген батырдың кенже баласы Тарпаң жолығып, «Кіші жүзден не көрдің?» деп сұрағанында Мөңке бай былай деген екен:


         Ардақты інім Тарпаң,

         Сүйікті ұлы батырдың, 

         Қара орнында қалған.

         Көріп келдім талайды, 

         Осы барған сапардан.

         Кіші жүзден шығыпты, 

         Сұмдықтың басы Тарқан.

         Батырмын деп мақтанып, 

         Кәпірден барып ақша алған.

         Хандар да жоқ оларға, 

         Қандай-ау деп көз салған.

         Билер де жоқ ол істі, 

         Қандай-ау деп ойлаған. 

         Байқаймын да байқаймын, 

         Бұзылды-ау бұл жалған. 

Бөлісу:
up